Nikhat Chemtat pan chem akatat chun, kaikong in akati tak ahei kachep pek;Chemtatpa num ahnuk kana reiah, ro-lerr aheibantan jo. Khavapha, rolerr khan baak omna ahei vok manset pek jo. Baak num heikajong sot ah, saipuipa kor shunga kahlutjo. Khavapha, saipui num ahnuk kanaleh akor injaat reiah katlan le-le chun, hmeithai nu inn asuk manset pek jo.Hmeithai nun ram kapu pa hneng thang akoijo pha, ram kapu pan ankhenga abek mantup johei. Saipui tong anhei derpha,"Baak kakor ah ahlut jarra kae."tiah amason. Baak tong anhei dernok pha."Ro ler in kain ajem manset jarra kae." tiah ahei hrinok jo. Khavapha, rolerr kha anhei dernok jo." Heisamo baak inn najem set ?" anti pha, "Chemtatpan abantan eng jarra kae." ahei ti. Achaina, Chemtatpa tong anhei derpha,"Kaikong in kakati ase a kae." tiah ahri jo. Kaikong num hrisik manhret loah, "tuisunga nanhlon eng inchu kadum sik eng khanna hmei karra nani hlon manhlut inchu kasen pitsik eng." tiah amason johei. Kaikongkha hmeiah anhlon manhlut pha, kasen pit jo.
