Pu K.T (Kamlun Telien) in ishing chaibi(Waterfall) hnenga asem rahon hi tuningchu rahming inhret sot ah kaomjo. Hiva hmun hin reibi leh thingrei ajat jat alinga kathla nenga asem kae. picnic spot leh outing sena sik ah kahoi her hmun kae. Amirok chuh, hiva hlutnasik ahin, dangka Rs. 5/-per head ah alo. Ama a inphut manhret sik hingja lakaom tiah kamandon tichu Lekha teirok hi education tina changmak.
 |
Side view of Agape Garden |
SaSen Lon Tlang:
Hiva Tlangbung hi kho-thlirna tlang, innghatna hmun tiam inhret. Seloi leh Sehrat inderto lele nah hmun intlung hmun kae.1993 communial riot laikhan hiva tlang tadek ahin ani kadoi hei hlamhlo na lenhmang.Hiva heiseng rok changloah, nunghak-rether hen picnic achang makleh pantra anlei hmangna hmun kae. Tak tunchu, thingle kung in akachumjo.
Panthong:
Panthong:
Thlanlon leh inhnai innum hiva kotpui hi phai kase leh hlei kaen mi hei phatbongkhat chaam innghat na hmun kae. Sale nai hen, annu anpa hei phai kase anvarato nah hmun kadai, daihlim hmun kae. Saso thingkung hing re-re hen daihlim anmaser.
ChiKhur (Salty Spring):
Hiva hi tuidung tadek inkhat kae. Atui ae jarra hin Chikhur tiah inhret. Ae-jarra leh kok aejarra hin Seloi leh Sehrat khanna Sakhi hei inbe hnomna leh mongna hmuntak kae. Akanghak(Rathla) kaom tiam upa katerhen anlei hri. Hiva kok ahin ai (crab) katam her.
Kabeng Kok:
Rathla-ravai omna tiah hmun inhret inkhat kae.Hiva hmun hin, tui kalong inkhat kaom. hiva jarra hin, Ram kaleng, thing karon, phertoi kajong hen bushun sakna anhmang. Bor mathlumna, innghaktona hmunnam inhmang.
Intungna Tlang (Saso Kung):
Thinglaklai khanna phertoi ronlaihiva hmun hi innghat naleh innghakna hmunna inhmang. Thing ronlai chuh, hiva hi Bor mathlumna leh khanna thingron manbukna innei. Hiva hmunhi nitlung jonchuh, thli kadai in nicham-nijengna rakip asem mandai ri.
Intungna Tlang (Merkhieng Kung):
Hiva hmun him, ven inkhat-inhni heisik ah chaam innghatna tlang kae. Thinglaklai leh thingronlai dek ah intungna inhmang ri. Nobak karon in nobak asakna khanna masu heikaron in masu alom heileh anmachep somna daihlim hmun inkhat kae.
Tanky/Sepei Camp:
Mirong relai khan sepei hei (CRPF) anleiom jarra tuningkatlung sepei camp tiah inhret jo. Ahnenga hin, tanky, water supply aomjarra Tanky tiam inhret. Hiva hmun hin thei ajat jat inra ri. Khahei kha chu:
- Theipong.
- Pungton.
- Rengthei.
- Sapthei (Passion fruit).
Hrangpu Tuikhur:
Hiva hi khosunga tuihok longna kokte inkhat kae. Mi hen hiva hmun hi dudin achangmakleh chomnu kaom tiam inhri. Zion ven a inphut ah Patlenjar katlungbit kalong.
Postal Address:
| Ichum keirap Village |
| Po-Nambol,Bpo-Leimaram, Saitu-Gamphazol, Senapati Dist. Manipur-795134 |
It is 20-22Km from Imphal. On its vicinity, lie the newly famous Waterfall and the Agape Garden. Email:-ichumkeirap@gmail.com. www.ichumkeirap.yolasite.com
|